കൂടിക്കാഴ്ച

പെട്ടന്ന് അവസാനിക്കുന്ന ഒരു കൂടിക്കാഴ്‌ചക്കായി വളരെ നേരത്തേ എത്തിച്ചേർന്നതാണ്.

കാണേണ്ടയാൾ എത്തിയിട്ടില്ല.

വളരെ ദൂരം നടന്നു വരാനുള്ള സമയമുണ്ട്.

എങ്കിലും

എങ്ങോട്ടും പോയില്ല

അടുത്തുള്ള ഒരു മരത്തണലിൽ

ഇരുന്നു

പഴയ കാര്യങ്ങളോർത്തു

കുന്നുകൾ കയറി മറിഞ്ഞ്

പുഴകൾ നീന്തിക്കടന്ന്

പലയിടങ്ങളിൽ പോയി

തിരിച്ചെത്തിയപ്പോഴേക്കും

കാണാൻ വന്നയാൾ

കാത്തു നിന്ന് മടങ്ങിപ്പോയിരുന്നു