എഴുതിയതെല്ലാം
ഒളിപ്പിച്ചു വച്ചു
മറ്റൊരാളാകും വരെ
അതിനു ശേഷം എടുത്തു വായിച്ചു
ശരിയായില്ല ശരിയായില്ല എന്നതെല്ലാം വലിച്ചെറിഞ്ഞു
കൊള്ളാം കൊള്ളാം മാത്രം എടുത്തു വച്ചു
അവയും ഒളിപ്പിച്ചു വച്ചു
മറ്റൊരാളാകും വരെ
വീണ്ടും വായിച്ചുനോക്കി
ഒരു ദീർഘശ്വാസം
കണ്ണിൽ നനവ്
ഇളം ചിരി
സമരാവേശം
ഇവ ബാക്കി വയ്ക്കുന്നത്
എടുത്തു വച്ചു
അയക്കാൻ തോന്നിയില്ല
അവനവനെ വിൽക്കുന്നതായി തോന്നുകയാൽ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ