നിലച്ചുപോയത് അതേപടി വീണ്ടെടുക്കുക എളുപ്പമല്ല
അ മുതൽ തുടങ്ങണം
വഴികൾ സഞ്ചരിച്ചതെങ്കിലും
പണ്ട് കണ്ടവയാവില്ല പൂക്കൾ
കാൽ കഴുകിയിരുന്ന തോട്ടിൽ
മറ്റൊരു മഴയിൽ പെയ്ത
ജലം
പാടത്തിൻ്റെ ചെളിമണം
മറ്റൊരു വായുവിൽ
അതും
വളർന്ന് രൂപം മാറിയ നാസാരന്ധ്രത്തിലൂടെ
അടിമുടി മറിഞ്ഞ ആദർശം വഹിക്കുന ആളിലൂടെ
ശരിക്കും
വീണ്ടെടുപ്പ് എന്നൊന്നില്ല
ഒരു പദം നഷ്ടപ്പെടേണ്ട എന്നു കരുതി
ഭാഷ അതിനെ കാത്തു പോരുന്നു
എന്നു മാത്രം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ