തീവണ്ടി

ജനറൽ കമ്പാർട്ട്മെൻ്റ്.

നൂറുപേർ വേണ്ടിടത്ത്  മുന്നൂറു പേരുണ്ട്

ലക്ഷ്യത്തിലെത്താനിനിയും കുറേ മണിക്കൂറുകൾ വേണം.

നിർത്തുന്നിടങ്ങളിലിറങ്ങിയും കയറിയും ഇടയ്ക്കിടെ നവീകരിക്കപ്പെടുന്നുണ്ട് തീവണ്ടി.

ഇരിപ്പിടം കിട്ടിയവരൊക്കെ ചിന്തകരായി.

വളരെ കുറച്ചു പേർ അടുത്തിരിക്കുന്നവരെ മല്ലെ മല്ലെ പരിചയപ്പെട്ടു.

ഒരേ തരംഗദൈർഘ്യമുള്ളവർ പലതും പറഞ്ഞ് പറഞ്ഞ് മറ്റൊരു ലോകം തീർത്തു.

എനിക്കു സീറ്റു കിട്ടുന്നില്ല

വാച്ച് നിലച്ചതായി തോന്നി. 

ഒരു മിനുട്ട് മുന്നോ നാലോ മിനുട്ടായി.

കുറേ നേരം പുറത്തേക്കു നോക്കി നിന്നു.

അപ്പോൾ

പണ്ടേ പഠിച്ച പിറകോട്ടോട്ടം

നിർത്തി 

നടത്തം പരിശീലിക്കുന്നു

സീറ്റ് കിട്ടിയാൽ കുതിച്ചോടുമായിരുന്ന

മരങ്ങൾ, കുന്നുകൾ, പുഴകൾ

വയലുകൾ 

അവയിൽ മേയുന്ന പശുക്കൾ, മയിലുകൾ.