കണ്ണും
കാതും
തുറന്നു വയ്ക്കാൻ പറഞ്ഞു
വച്ചു
തേൻതുള്ളി തുമ്പികളെ
വെളിച്ചം ചെടികളെ
ഒഴുക്ക് ജലത്തെ
കവിത വാക്കുകളെ
മഴ മണ്ണിനെ
നിലാവ് രാത്രിയെ
പ്രണയം ഇണകളെ
മൗനം പാട്ടിനെ
കാത്തിരിക്കുകയോ
കണ്ടെത്തുകയോ ചെയ്യുന്നു
മധുരം മാമ്പഴത്തിൽ ചേക്കേറി
കിളിയെ ത്രസിപ്പിക്കുന്നു
വർണ്ണങ്ങൾ പൂക്കളിൽ
പൂമ്പാറ്റകളിൽ നിറഞ്ഞ് കണ്ണിലേക്കൊഴുകുന്നു
വേദന ഉറുമ്പിനെ വിളിച്ച്
എന്നെ തുളയ്ക്കുന്നു
പൊടുന്നനെ ഇരുട്ട് പകലിനെ തള്ളി നീക്കി ഉടലിലേക്കിരച്ചു കയറുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ