മുഴുനേരം
കവിതയാവുക എളുപ്പമല്ല
വേരുകൾ
അത്രയ്ക്കും ആഴത്തിലാവണം
മൗനത്തിൻ്റെ വലിയ കടൽ സമ്പാദ്യമായി വേണം
ഏതൊച്ചയേയും അതിലേക്ക്
മാറ്റാനുള്ള പാകമായ മൂർച്ഛയുള്ള
ഇച്ഛ വേണം
കഴിഞ്ഞ മാസാന്ത്യത്തിൽ
മുഴുക്കവിതകളെ തേടിപ്പോയി
അലഞ്ഞു തിരിഞ്ഞ് ദിവസങ്ങൾക്കു ശേഷം മടങ്ങിയെത്തി കരുതിയിരുന്ന നോട്ട് ബുക്ക്
മകൾക്ക് കൊടുത്തു
അവളത് ഉറക്കെ വായിക്കുന്നു
നിലാവ്
വെയിൽ
ജലം
നിറം
ഗന്ധം
ഗാന്ധിജി........
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ