വളരെ കുറച്ചു മാത്രം എഴുതി
എഴുതിയതു തന്നെ
വെട്ടിച്ചുരുക്കി
വാക്കുകളെ ഒഴിവാക്കി
അക്ഷരങ്ങൾ കുറഞ്ഞവ മാത്രം കണ്ടെത്തി
നിലനിറുത്തി
ഇപ്പോൾ അവയേയും ഒഴിവാക്കി
വാചകമോ വാക്കോ ഇല്ലാത്ത ഒന്നെഴുതാനുള്ള ശ്രമത്തിലാണ്
നീയതു കാണുമ്പോഴുള്ള
ശ്വാസത്തിനും
അമ്പരപ്പിനും
പിന്നിടുള്ള ഇളം ചിരിക്കും
എനിക്ക് കവിത കവിത എന്ന പേരിടണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ