ചുംബനം

അന്ന് നീയെന്നെ ചുംബിച്ചിരുന്നുവെങ്കിൽ

തിരമാലകൾ കൊണ്ട്

എൻ്റെ കടലുകൾ  ഇളകിമറിയുമായിരുന്നു.

നട്ടുച്ചകൾ

തണുക്കുമായിരുന്നു.

എല്ലാ ശബ്ദങ്ങളും സംഗീതമാകുമായിരുന്നു.

ഇന്നത്

മറ്റേതൊരു കാര്യത്തേയും പോലെയായി

എന്നാൽ

മാംസനിബന്ധമല്ല രാഗമെന്ന

മുഴക്കം

പണ്ടത്തേക്കാൾ

തെളിഞ്ഞു

മൗനക്കടലിൽ കണ്ണടയ്ക്കുമ്പോൾ

കേട്ട ഒരേയൊരു പ്രതിധ്വനി പോലെ

അത്

ലളിതമായി.

സുവ്യക്തമായി.