പ്രവാസം

കുന്നുകയറിപ്പോകുന്നു കുട്ടികൾ

കുന്നിനപ്പുറം

വെയിൽ വെളിച്ചം പെയ്യുമെന്നവർ

കരുതുന്നു

വയൽപ്പച്ചകൾ

കാപ്പിത്തോട്ടം പൂത്ത ഗന്ധം

നിറയുമെന്ന്

ഒരു ചെറുകിളി പുതുപാട്ടുമായ്

കാറ്റ് കാഴ്ചക്കടലായ്

അലയടിക്കുമെന്ന്

അവർ കരുതുന്നു

ദൂരമേറെയാകവേ

പുറപ്പെട്ട വീട്ടിലെ

പൂവിന്നോർമ്മകൾ തിരികെ വിളിക്കുന്നു

നേരമിരുളുന്നു

ഇരുട്ടിലൂടവർ മടങ്ങുന്നു

ശരിയോ തെറ്റോ അറിയാതെ

മരങ്ങൾ ചേർന്നു നടക്കുന്നു

പുലരുമ്പോളറിയാദേശം തിളയ്ക്കുന്നു

അതിലുരുകിപ്പടുക്കുന്നു ജീവിതം