ഒരു കവിത തന്നെ
ഒരു നേരം
വീണ്ടും വീണ്ടും വായിച്ചു നോക്കൂ
അത് അരോചകമാകും
വരികൾ ജലംചോർന്ന
വെറും വാക്കുകളുടെ കൂട്ടമാകും
തലക്കെട്ട് വെളിച്ചം കെട്ടുപോയ വിളക്കാകും
കുതിച്ചൊഴുകുന്ന സമയപ്പുഴയുടെ
മറ്റൊരു തീരത്തണലിലിരുന്ന്
മറ്റൊരാളായി വായിക്കൂ
പൂമ്പാറ്റകൾ പറന്നുയരും
ആദ്യ വായനയിൽ വിരിഞ്ഞ പൂവിലെ
തേൻ വീണ്ടും മധുരിക്കും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ