പൂവ്

കേൾക്കാനേറ്റവും ഭയക്കുന്ന ശബ്ദം 

എൻ്റേത്

ഇഷ്ടമല്ലാത്ത നിറം

എൻ്റെ നിറം

അരുചി

ഞാനുണ്ടാക്കിയ ഭക്ഷണത്തിൻ്റേത്

വേനൽ

ഞാനെത്തിയപ്പോൾ എത്തിയത്

തിരിഞ്ഞു നടക്കാൻ ഇത്രയും കാരണങ്ങൾ തന്നെ ധാരാളം

എന്നാലും മടങ്ങിയില്ല

കൂടെയുള്ളവരുടെ ഒറ്റപ്പെടൽ

ഇതിനേക്കാളുമെത്ര ഭീകരം

മരണത്തിലേക്കുള്ള വണ്ടിയെത്തും വരെയുള്ളതെന്തിനും

തൊടുമ്പോൾ വിരിയുന്ന ഒരു പൂവുണ്ട്