മഴയുടെ ഭാഷയറിയില്ല
മഴയെ ദാഹിക്കുകയും
നനയുകയും
ഭക്ഷിക്കുകയും ചെയ്യുന്നു
അതിൽ പലവട്ടം കഴുകിയെടുക്കുന്നു
കുടയില്ലാത്തതിൻ്റെ കാരണം
ഇതുവരെ ആരോടും പറഞ്ഞിട്ടില്ല
ഭാഷ ആവശ്യമെന്ന്
ഇന്നേ വരെ തോന്നിയിട്ടില്ല
ഒന്നിച്ചു പാടിയ ഒരു പാട്ടും പാതിക്ക് മുറിഞ്ഞിട്ടില്ല
ഉരിയാടാതെ ചെയ്തു തീർക്കുന്നു
കാര്യങ്ങൾ.
പതിയെ ഉള്ളിൽ നിറയുന്ന ഭാഷയില്ലാത്ത മൂളിപ്പാട്ടുമായി
ചാറ്റൽ മഴയിൽ
നടക്കാൻ പോകുന്നു
നേരങ്ങൾ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ