രക്ഷപ്പെടാൻ വേണ്ടിയാണ് എഴുത്തുകൾ
പാട്ടുകൾ
വരകൾ
വാക്കിനോളം വലിയമലയിലേക്കുള്ള കയറ്റങ്ങൾ
വിത്തു നടൽ
ഒറ്റയ്ക്കുള്ള നടത്തങ്ങൾ
ഇരുത്തങ്ങൾ
കിളിപ്പാട്ടുകേൾക്കൽ
പുഴ കാണൽ
പതിഞ്ഞ ശബ്ദത്തിലെ കരച്ചിൽ
കണ്ണീരൊളിപ്പിക്കൽ
ഒന്നും ചെയ്യാതിരുന്നു നോക്കൂ
ഭൂമി നേരം തെറ്റിയുണർന്ന്
വരി തെറ്റിച്ച് പാടുന്നൊരാളായി മുന്നിൽ വന്ന്
നിന്നെത്തന്നെ നോക്കി നിൽക്കും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ