ചെയ്തതെല്ലാം മറക്കുന്നു
ഒന്നും ചെയ്തില്ലെന്ന് തോന്നുന്നു
പോയ അതേ ഇടത്തേക്ക് തന്നെ
വീണ്ടും നടക്കുന്നു
വാങ്ങിയവ തന്നെ വാങ്ങുന്നു
വിളിച്ചവരെ വീണ്ടും വിളിക്കുന്നു
എന്തു പറ്റി എന്നെല്ലാവരും ചോദിക്കുന്നു
അന്വേഷണങ്ങളെപ്പറ്റി അവരറിയുന്നില്ലല്ലോ
കണ്ടത് മറന്ന് കാണുമ്പോഴാണ്
ചലനങ്ങളുടെ
ശബ്ദങ്ങളുടെ
പൊരുൾ തെളിയുക എന്ന് അവരോടാര് പറയും
എത്ര ചോദിച്ചാലാണ്
എത്ര കണ്ടാലാണ്
എത്ര മുങ്ങാംകുഴിയിട്ടാലാണ്
ആ നൂലിൻ്റെ അറ്റം
ഒന്നു തൊടാൻ
കാണാൻ പറ്റുക
എന്ന് ആരോടാണ് പറയുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ