ഒരു പഴയ ചിത്രം എടുത്തു നോക്കുന്നു
തിളങ്ങുന്ന കണ്ണുകൾ
തുളുമ്പുന്ന കവിളുകൾ
കറുത്ത മീശ
ചുരുണ്ട മുടിയിഴകൾ
രക്തം തുള്ളിത്തിളയ്ക്കുന്നതിനും മുമ്പെടുത്തത്
ഇപ്പോൾ ചിത്രങ്ങളെടുക്കാറേയില്ല
നരച്ച മീശയും തലയും
കുഴിഞ്ഞ കണ്ണും കവിളും
കാണാൻ വയ്യ
എന്നാൽ മറച്ചാലും മറയാത്ത
മറ്റൊരു ചിത്രമുണ്ട്
കാലം വരച്ചത്
ചലിക്കാത്തത്
വിശക്കുന്നത്
കിതയ്ക്കുന്നത്
എത്രകുത്തിവച്ചാലും
നീറ്റലൊടുങ്ങാത്തത്
എടുത്തൊഴിച്ചാലും
നിറം കലരാത്തത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ