സ്പർശം

നീ അടുത്തു വരുമെന്നും

എൻ്റെ കൈകൾ പിടിക്കുമെന്നും ഞാൻ വിചാരിക്കുന്നു

മണ്ണിൽ ഒന്നും മുളപൊട്ടുന്നില്ല

മരങ്ങൾ പൂക്കുന്നില്ല

ഉറവകൾ ജല സ്പർശം മറന്നു പോയിരിക്കുന്നു

കാലം തെറ്റിപ്പൂത്ത പൂവുകൾ

ഉറുമ്പരിക്കുന്ന പൂമ്പാറ്റകളെക്കണ്ട്

അകാലത്തിൽ കൊഴിയുന്നു

എല്ലാ പ്രവാഹങ്ങളും നിലച്ചിരിക്കുന്നു

നിലാവിൽ

നിലച്ച സംഗീതം കടുക്കുന്നു

ഒരു വിരൽ സ്പർശത്തിന്

ഒരാളെ

മരണത്തിൽ നിന്നും

ജീവിതത്തിലേക്ക് തിരിച്ചു കൊണ്ടുവരാൻ കഴിഞ്ഞേക്കും