എല്ലാ മരണങ്ങളും ശ്രദ്ധിക്കപ്പെടുന്നു
എല്ലാവരും മരണത്തിൻ്റെ നിഴലിലായിരിക്കുന്നതിനാൽ
എല്ലാ ചെടികളും പരിപാലിക്കപ്പെടുന്നു
എല്ലാവരും വിശപ്പിൻ്റെ ഭീതിയിലായതിനാൽ
എല്ലാ നദികളും സ്വച്ഛമായിരിക്കുന്നു
എല്ലാവരും വിസർജ്യങ്ങൾ അകമേ സംസ്കരിക്കുകയാൽ
എല്ലാ കിളികളും പൂമ്പാറ്റകളും
പറന്നുല്ലസിക്കുന്നു
ഭയത്തിൻ്റെ രാജാക്കന്മാർ
മരിച്ചു പോയതിനാൽ
ആകാശം അനാവൃതമായിരിക്കുന്നു
വെളിച്ചം ഒഴുകി പരന്നിരിക്കുന്നു
ഭയമേ
മടങ്ങിപ്പോകായ്ക
മദിച്ചു നടക്കുക
അഹംകാരക്കാടുകൾ കത്തിയൊടുങ്ങും വരെ.
അകംപൊരുൾത്തളിരുകൾ മുളപൊട്ടിത്തുടങ്ങുംവരെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ