' വിദ്യാഭ്യാസ ' മുള്ളവർ
പൊതുവെ
അഹങ്കാരികളാണ്
എല്ലാ ഗതിവിഗതികളും
അവരിലൂടെ എന്ന് അവർ വിചാരിക്കുന്നു
അറിയാത്ത കാര്യങ്ങൾ
അറിയാമെന്നവർ പറയുന്നു
അസാധാരണമായ പ്രവചനങ്ങളിലൂടെ
പൂമ്പാറ്റകളുടെ വഴിതെറ്റിക്കുന്നു
എന്നാൽ വിദ്യാഭ്യാസമുള്ളവർ അങ്ങനെയല്ല
അവർ ഇലകളോട് മൃദുവായി സംസാരിക്കുന്നു
നദികളുടെ തെളിമയിൽ ആനന്ദിക്കുന്നു
പ്രകാശമുള്ളിടങ്ങളിൽ ചെടികൾ നടുന്നു
ഇരുട്ടിലേക്ക് മിന്നാമിനുങ്ങകളേയും കൂട്ടി പോകുന്നു
ഗുരുക്കന്മാർ,
വായിച്ചതെല്ലാം
ഇഷ്ടത്തോടെ ഇരുത്തിപ്പകർന്ന
ആൽമരങ്ങളോടൊപ്പം
അക്ഷരമറിയാത്ത
മാടത്തകളും കാക്കകളും കൂടിയാകുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ